STADA және Sanofi бірқатар Еуразиялық елдерде CHC өнімдерінің портфелін дистрибуциялау туралы келісім жасады
- STADA Еуразия өңірінің 10 елінде Sanofi компаниясының СНС өнімдерінің (Consumer Healthcare – рецептсіз препараттар) портфелін ұсынады * 2023 жылғы сәуірден бастап
- STADA компаниясының Sanofi өнімдер портфелін дистрибуциялау туралы екінші халықаралық келісімі STADA-ның Consumer Healthcare сегментіндегі жетекші компания ретіндегі позициясын күшейтеді.
- Еуразия өңірі бойынша STADA вице-президенті Арминас Мацевичус: «Бұл ынтымақтастық STADA-ны Еуразия өңіріндегі СНС сегментінің сөзсіз көшбасшысы етеді. Фармацевттерге, пациенттер мен тұтынушыларға арналған осы сегменттегі негізгі серіктестердің бірі болу біз үшін үлкен құрмет».
* Әзірбайжан, Армения, Беларусь, Грузия, Қазақстан, Қырғызстан, Моңғолия, Тәжікстан, Түрікменстан және Өзбекстан
Алматы, 18 қараша 2022 ж. STADA өз бизнесін СНС өнімдерімен кеңейтуде және Sanofi-мен дистрибуциялау туралы тағы бір келісім жасайды. STADA 2023 жылғы 01 сәуірден бастап Еуразия өңірінің 10 елінде тұтынушылық денсаулық сақтау саласындағы танымал брендтерден тұратын Sanofi компаниясының препараттар портфелін дистрибуциялауды және маркетингтік қолдауды жүзеге асыратын болады.
Келісімге бренд туралы жоғары білімі бар және көп жағдайда нарықта жетекші орынға ие тұтынушылар сенім білдіретін Еуразия елдерінің нарықтарында жақсы танытылған 19 бренді кіретін болады.
Келісім аясындағы негізгі брендер
«Эссенциале»®, «Энтерожермина»® және «Гутталакс»® («ас қорыту жүйесінің саулығы» терапевтік саласы), «Магне В6»® (магний препараты), «Лазолван»® («суық тиюге қарсы» санаты), «Но-шпа» ® (спазмолитикалық құрал). Гастроэнтерологиялық санатта Бускопан®, Дульколакс®, Фестал® және Маалокс® брендтері, ал «суық тиюге қарсы құралдар» санатында Бронхикум®, Лазорин® және Либексин® брендтерін атап өту керек.
Сондай-ақ келісімнің бір бөлігі келесі брендтер болды: Микосептин® (саңырауқұлаққа қарсы), Пиносол®, Зодак® (аллергияға қарсы), сондай-ақ Баралгин® және Финалгон® («ауырсынуды басатын дәрілер» санаты).
STADA жергілікті маркетингке, соның ішінде маркетингтік коммуникацияларды бейімдеуге және медиа жоспарлауға жауапты болады. STADA Еуразиялық өңірінің бас кеңсесі Алматыда (Қазақстан) қалады және STADA компаниялар тобының «Еуропалық нарықтар» бөлімшесіне бөлігі болуды жалғастырады.
Бұл ынтымақтастық STADA-ны Еуразия өңіріндегі СНС сегментінің сөзсіз көшбасшысы қылады. Фармацевттерге, пациенттер мен тұтынушыларға арналған осы сегменттегі негізгі серіктестердің бірі болу біз үшін үлкен құрмет. СНС-бұл компанияның дженериктермен және арнайы дәрі-дәрмектермен жұмыс істеуінің үш негізгі бағытының бірі.
Арминас Мацевичус STADA, Еуразия өңірінің вице-президенті
Біз STADA компаниясымен ынтымақтасу арқылы Еуразия елдеріндегі пациенттермен және тұтынушылармен өзара әрекеттесуді жалғастыруға қуаныштымыз. Бұл бізге мықты брендтерді жасауды жалғастыруға және аймақ тұтынушыларының сенімді брендтер портфеліне қол жеткізуін қамтамасыз етуге мүмкіндік беретініне сенімдіміз.
Пол Мартингелл, Еуропадағы тұтынушылық денсаулық сақтау өнімдері бағытының жетекшісі
Sanofi және STADA қазір жаңа модель 2023 жылдың 01 сәуірінен бастап жұмыс істеуі үшін өнім портфелін STADA құрылымына біріктіру үшін бірлесіп жұмыс істеуде. Бұл мәміле Еуразия аймағындағы елдердегі медициналық қауымдастық, пациенттер мен тұтынушылар үшін СНС сегментіндегі Sanofi компаниясының дәрілік заттарға қолжетімділік саласында қандай да бір өзгерістерге әкелмейді.
Қазақстандағы STADA компаниясы туралы көбірек ақпарат: Біз кімбіз | STADA
