15 мл

Пластик қақпақшамен тығыз тұмшаланып бұрандаланып жабылған пластикті тамшылатқыш-құты, мемлекеттік және орыс тілдеріндегі медицинада қолдану жөніндегі нұсқаулығымен картон қорапшадағы.

Мұрын қуысын шаю үшін балаларға арналған 15 мл «Аквалор^® беби» заты бұралатын пластик қақпақшамен тығыз тұмшаланып жабылған пластикті тамшылатқыш құты болып табылады. Тамшылатқыш құтының ішіндегісі — теңіз суының NaCl изотониялық концентрациясы бар стерильді ерітіндісі болып табылатын әлсіз тұзды дәмі бар иіссіз мөлдір түссіз сұйықтық (100 мл құрамында 30-33 мл табиғи теңіз суы бар).

Құрамында консерванттар жоқ. Дәрілік зат болып табылмайды.

Мұрын қуысын шаю үшін балаларға арналған «Аквалор^® беби» заты туған сәтінен бастап балаларға арналған.

Мұрын қуысын шаю үшін балаларға арналған «Аквалор^® беби» заты мұрын қуысының, мұрын маңы қойнауларының және мұрын-жұтқыншақтың жедел және созылмалы (инфекциялық, аллергиялық, атрофиялық) қабыну ауруларының, мұрын қуысы мен мұрын маңы қойнауларының хирургиялық араласудан кейінгі жай-күйінің алдын алу мен кешенді емдеу үшін, суық тию ауруларының өршу кезеңінде, сондай-ақ мұрын мен мұрын-жұтқыншақ қуысының күнделікті гигиенасы үшін қолданылады.

Шырышты шығару, бөліністерді азайту, қабыршықтарды жұмсарту мен шығаруға, мұрын қуысы шырышты қабығын ылғалдау үшін қолдануға арналған.

Мұрын мен мұрын-жұтқыншақ шырышты қабығына жағымды әсер етеді, мұрын бітелуінің азаюына және мұрынмен тыныс алудың қалпына келуіне ықпал етеді.

Мұрын қуысын шаю үшін балаларға арналған «Аквалор^® беби» заты мен мұрын қуысын шайғаннан кейін мұрын қуысының шырышты қабығына жағылатын дәрілердің емдік тиімділігі жоғарылайды, респираторлық аурулардың ұзақтығы қысқарады, инфекцияның мұрын маңы қойнаулары мен құлақ қуысына таралу қаупі төмендейді.

Қолдану шарттары: жекелей және медициналық мекемелер жағдайында қолдану үшін.

• Мұрын қуысының, мұрын маңы қойнауларының және мұрын-жұтқыншақтың жедел және созылмалы (инфекциялық, аллергиялық, атрофиялық) қабыну ауруларын:
• жедел және созылмалы риниттің (тұмауратудың)
• жедел және созылмалы синуситтердің (соның ішінде гаймориттің)
• жедел және созылмалы аденоидиттердің
• аллергиялық және вазомоторлы риниттердің
• субатрофиялық риниттердің (шырышты қабық құрғауының) алдын алу және кешенді емдеуде

Тамшылатқыш құтының ішіндегі компоненттеріне жекелей көтере алмаушылық

Медициналық бұйымды пайдаланар алдында тамшылатқыш құтының ұштығын этил спиртінің ерітіндісімен өңдеу керек.

Әрбір мұрын жолына күніне 4 рет 2 тамшыдан, қажет болғанда одан жиірек тамызу керек.

Гигиена мақсатында, сондай-ақ жедел, созылмалы инфекциялық және қабыну аурулары кезінде жай-күйді жеңілдету үшін әрбір мұрын жолына күніне 2-3 рет 1-2 тамшыдан тамызады.

Затының қолдану ұзақтығы мен жиілігі шектелмеген.