50 мл, 150 мл

Медициналық бұйымды қолдану жөніндегі мемлекеттік және орыс тілдеріндегі нұсқаулығы бар картон қорапшадағы мұрынға арналған полиэтилен анатомиялық ендірмемен және полипропилен қалпақшамен жабдықталған қысымдағы алюминий баллон.

Балалар мен ересектер үшін мұрын қуысына бүркуге және шаюға арналған зат келесі орындалу нұсқаларында: «Аквалор^® софт шағын» 50 мл, «Аквалор^® софт» 150 мл

Зат шырышты кетіруге, мұрын бөліністерін азайтуға, қабыршақтарды жұмсартуға және кетіруге, мұрын қуысының шырышты қабығын ылғалдандыруға арналған. Мұрын қуысы мен мұрын-жұтқыншақтың шырышты қабығына жағымды әсер етеді, мұрынның бітелуін азайтуға және мұрынның тыныс алуын қалпына келтіруге көмектеседі. Теңіз суындағы тұздар шырышты сұйылтуға және шырышты қабықтың құтыша пішінді жасушаларында оның өндірісін қалыпқа келтіруге ықпал етеді. Тұз құрамындағы кальций мен магний иондары мұрын шырышты қабығының тербелмелі эпителий жасушаларының жұмысын едәуір жақсартады, шырыштың реологиялық қасиеттерін қалыпқа келтіреді, вирустар мен бактериялардың енуіне төзімділікті арттырады. Йод және натрий хлориді антисептикалық қасиеттерге ие. Мырыш пен селен иондары мұрын шырышты қабығының және мұрын маңы қойнаулардың жергілікті иммунитетін белсендіруге жағдай жасайды.

Мұрын қуысын затпен шайғаннан кейін мұрын қуысының шырышты қабығына қолданылатын дәрілердің емдік тиімділігі артады, тыныс алу ауруларының ұзақтығы қысқарады, мұрын маңы қойнаулар мен құлақ қуысына инфекцияның таралу қаупі төмендейді. Мұрын қуысы мен мұрын-жұтқыншақтан шырышты қабығының биоценозын бұзбай, кез-келген патогендерді (вирустық, бактериялық, зеңдер) жоюға көмектеседі.

Қолдану шарттары: жеке қолдану үшін және медициналық мекемелер жағдайында.

Зат келесі мақсаттарда қолданылады:

• мұрын қуысының, мұрын маңы қойнауларның және мұрын-жұтқыншақтың жедел және созылмалы қабыну ауруларының (инфекциялық, аллергиялық, атрофиялық) профилактикасы және кешенді емдеу:
• жедел және созылмалы риниттер (тұмау)
• жедел және созылмалы синуситтер (оның ішінде гайморит)
• жедел және созылмалы аденоидиттер
• аллергиялық және вазомоторлы риниттер
• субатрофиялық риниттер (шырышты қабықтың құрғауы)

Зат 6 айдан асқан балалар мен ересектерге арналған.

Медициналық бұйымның құрамдас бөліктеріне жеке көтере алмаушылық.

Мұрын қуысын шаю қажет болған жағдайда күніне орта есеппен 3-4 рет, қажет болған жағдайда жиі жүргізіледі. Затты қолданудың ұзақтығы мен жиілігі шектелмейді.

Маңызды! Процедураны орындау кезінде шаюды жүзеге асыратын адам дем алмауы, сөйлеспеуі немесе айқайламауы керек.

2 жасқа дейінгі балалар үшін.

Ерте жастағы баланың мұрнын жуу дененің тік күйінде, ересек адамның қолында отыру арқылы жүзеге асырылады (егер бала отыруды білсе). Бұл жағдайда баланың басы тік тұрып, алға қарай еңкейіп тұруы керек (1 сурет). Шаю кезінде баланың басы артқа шалқайтылмайтынына көз жеткізіңіз.

1. Баллонның ұшын оң жақ танауға салыңыз (2 сурет).
2. Бүріккішті басып, бірнеше секунд ұстап тұрыңыз, осылайша мұрынның оң жағын шайыңыз (3 сурет).
3. Мұрын қуысынан шаю сұйықтығының қалдықтарын алып тастаңыз (баланы сіңбіртіңіз немесе аспираторды қолданыңыз) (4, 5 сурет).
4. Мұрынның сол жақ жартысымен ұқсас процедураны орындаңыз.
5. Қажет болса, процедураны қайталаңыз.

2 жастан асқан балалар мен ересектер үшін.

Балалар мен ересектердегі мұрынды шаю дененің тік күйінде (отырып немесе тұрып) жүзеге асырылады. Бұл жағдайда бас түзу және алға қарай сәл еңкейген болуы керек. Шаю кезінде бас артқа шалқайтылмайтынына көз жеткізіңіз (6 сурет).

1. Баллонның ұшын оң жақ танауға салыңыз (7 сурет).
2. Бүріккішті басып, бірнеше секунд ұстап тұрыңыз, осылайша мұрынның оң жағын шайыңыз (8 сурет).
3. Шаю сұйықтығының қалдықтарын тазарту немесе аспиратор (балаларда қажет болған жағдайда) көмегімен алып тастаңыз (9 сурет).
4. Мұрынның сол жақ жартысымен ұқсас процедураны орындаңыз.
5. Қажет болса, процедураны қайталаңыз.