Дәрі-дәрмектерді немен ішу керек

«Дәрі ащы ғой! Оны шырынмен іше саламын». Дәріні тәттілендіремін деген ұмтылыстарыңызды-ай! Әрдайым дәл осылай жасау мүмкін емес. Дәрі-дәрмекті бөлме температурасындағы кәдімгі сумен ішкен дұрыс. Онда препараттың құрылымын өзгерте алатын және оның әсеріне ықпал ететін заттар жоқ.

Шай, кофе, шырын, компот және басқа да сусындар таза су емес. Олардың құрамында бояуыштар, тәттілеуіштер және таблетка ішіндегі қосылыстармен әрекеттесетін басқа да қоспалар бар. Мұндай «ынтымақтастықтың» нәтижелері әртүрлі: дәрі әлсіреуі, әсерін күшейтуі немесе тіпті, қауіпті болуы мүмкін. Бірақ сұйықтық таблеткалардың әсерін өзгертпейді. Мұның бәрі препаратқа және оны ішуге байланысты. Әртүрлі сусындар қандай әсер беруі мүмкін екенін қарастырып көрейік.

Шай

Оның құрамындағы танин мен кофеин дәрілердің сіңу жылдамдығына әсер етеді. Бұл сусынның бейтараптандыруы немесе керісінше, кейбір препараттардың, мысалы, антидепрессанттардың әсерін күшейтуі мүмкін дегенді білдіреді.

Науқаста шамадан тыс толқулар, діріл немесе ұйқысыздық болуы мүмкін. Шөп қайнатпасы дәрі-дәрмектен болатын айтып болмайтын әсерді туғызады. Мысалы, ішке қабылдайтын контрацептивтерді шайқураймен бірге ішсеңіз, жүкті болу қаупі артады. Себебі бұл өсімдік эстроген метаболизмін жақсартады. Егер антибиотиктерді, жүрек немесе асқазанға қарсы таблеткаларды қабылдасаңыз, қарапайым сумен ішуге кеңес береміз.

Кофе

Оның құрамында кофеин бар, яғни бұл стероидты емес қабынуға қарсы құралдармен белсенді әрекеттесетін қосылыс. Бұл сусынның құрамында олардың әсері күшейіп, бүйрек пен бауырға улы әсер етуі мүмкін. Гипертония мен аритмияға қарсы препараттарды бір шыныаяқ кофемен ішуге болмайды, әйтпесе кері әсер пайда болады — қысым көтеріледі, тахикардия, ұйқысыздық орын алады.

Шырындар

Сусындардың құрамында антибиотиктердің әсерін бейтараптандыратын және седативті және ауырсынуды басатын дәрілердің әсерін арттыратын биологиялық белсенді заттар бар, олар: цитрамон, аспирин. Әсіресе таблеткаларды грейпфрут шырынымен ішу ұсынылмайды.

Ол зат алмасуды баяулатады және бауырдағы алмасу өнімдерін шығаруға кедергі болады. Сондықтан жүрек, антигистаминді, вирусқа қарсы препараттар, антидепрессанттар немесе гипертония таблеткаларын ішсеңіз, цитрус сусынына жоламаңыз. Әйтпесе, кері әсерлер пайда болады: аздап интоксикациядан бастап миокард ишемиясына дейін.

Алкоголь

Сусын дәрі-дәрмектердің сіңуін едәуір жылдамдатады, ал этанол көптеген препараттармен үйлескен кезде бауырға улы әсер етеді. Кез келген таблетканы спирттік сусынмен ішпеу керек, бірақ оның антибиотиктермен, парацетамолмен, қысымды төмендететін және қабынуға қарсы препараттармен әрекеттесуі әсіресе, қауіпті.

Сүт. Кейде дәрі-дәрмектерді сүтпен ішу ұсынылады, мысалы, құрамында калий немесе дәрумендер бар. Бұл асқазан-ішек жолдарының шырышты қабығының зақымдану қаупін азайтуға және таблеткалардың ащысын басуға көмектеседі. Ал егер тетрациклин антибиотиктерін немесе ауырсынуды басатын дәрілерді қабылдасаңыз, сүттен бас тарту керек. Әйтпесе, сіңу нашарлайды да, дәрі әсер етпейді.
Газдалған су. Асқазанның шырышты қабығын тітіркендіреді, ал кальций иондары дәрілік компоненттердің сіңуін тежейді. Аспирин, тетрациклин, атенолол және құрамында темір сульфаты бар препараттарды мұндай сусындармен араластырмау керек. Кейбір газдалған суларда антибиотиктердің, қабынуға қарсы, жараға қарсы және седативті құралдардың әсерін төмендететін цитраттар бар.

Сусынды таңдаудағы басты ереже – дәрі-дәрмекті белгілейтін дәрігермен дереу кеңесу. Егер мүмкіндік болмаса, онда тәуекелге бармағаныңыз жөн және қарапайым суды қолданыңыз.